„Gróska verður opið hús þar sem fjöldi fólks mun leggja leið sína í ýmsum erindagjörðum. Húsið er nýsköpun í sjálfu sér og á að vera stökkpallur fyrir frumkvöðla. Gróska er eitt ánægjulegasta verkefni sem við höfum komið að því hér erum við að stofna heilt samfélag.“

„Þessi skóflustunga markar tímamót fyrir starfsemi CCP á Íslandi og þær áætlanir okkar að efla enn frekar samstarf okkar við háskólasamfélagið og skapandi greinar hérlendis. Samstarf sem ég er sannfærð um að muni ekki aðeins nýtast CCP því þær áskoranir sem við stöndum frammi fyrir í nýsköpun almennt kalla á þverfaglega nálgun og aukna áherslu á þekkingarmiðlun.“

„Það er sérstakt fagnaðarefni fyrir borgina að efla þekkingarstarfsemi og það mun Gróska sannarlega gera. Með flutningi CCP í Vatnsmýrina er gamall draumur að rætast. Gróska og efling Vísindagarða bætir samkeppnishæfni borgarinnar. Það sem skapar gott háskólaumhverfi og gott umhverfi fyrir ungt fólk er oftar en ekki það sama og skapar góða, kraftmikla og lífandi borg“

“Reynsla annarra þjóða sýnir að nábýli skapandi fyrirtækja, vísindamanna og stúdenta leiðir til aukins árangurs í verðmæta- og nýsköpun. Hér verður til suðupottur þekkingar og segull fyrir nýsköpunarstarfsemi. Breiddin í starfsemi Háskóla Íslands, hin mikla fjölbreytni námsgreina og fagsviða og sterkar alþjóðlegar tengingar skapa ótal tækifæri til samvinnu um úrlausn verkefna þar sem saman kemur fólk með ólíkan bakgrunn og unnið er þvert á fræðigreinar.“